MANILA, Philippines — Nagpadala na ng surrender feelers ang siyam na pulis na sinibak dahil sa pagkamatay ng apat na Army intelligence officers sa Jolo, Sulu noong nakaraang taon.
Ito ang kinumpirma ni Philippine National Police (PNP) chief Gen. Debold Sinas at nakikipag-ugnayan na ngayon ang PNP BARMM sa mga pulis para sa kanilang posibleng pagsuko anumang oras mula ngayon.
Sa ngayon nasa proseso pa ang PNP sa pakikipag-usap sa mga ito na posibleng magdulot ng positibong resulta at boluntaryong sumuko ang mga ito.
Para kay Sinas mas makabubuting sumuko na lamang ang mga sinibak na pulis upang maiwasan na rin ang iba pang mga gulo at dapat aniyang harapin ng mga ito ang kaso kahit wala na sila sa serbisyo.