Comelec naitala ang 1 milyong bagong botante sa 2022 polls
MANILA, Philippines — Umabot na sa isang milyong Pinoy pa ang nagparehisto para makaboto sa 2022 national and local elections ang naitala ng Commission on Elections (Comelec).
Ito ang inihayag ni Comelec spokesperson James Jimenez at inaasahan ng Comelec na apat na milyon pang magpaparehistro hanggang sa pagtatapos ng pagpapatala sa Setymebre.
Inamin naman ni Jimenez sa isang forum na mabagal ang pagpaparehistro ng mga Pinoy dahil sa limitasyon dulot ng pandemya.
Sa isinasagawang pagpapatala ng Comelec, bukas ang kanilang opisina mula Lunes hanggang Martes; inilalaan naman ang Biyernes sa disinfection sa mga opisina.
Para naman masolusyunan at mapabilis ito, tinitignan ng Comelec ang posibilidad na pagtatayo ng satellite registration.
Sa kabila nito, ipinagmalaki naman ni Jimenez na hanggang sa ngayon ay wala pang naitatalang COVID-19 transmission sa registration centers.
- Latest