P26 milyong puslit na yosi naharang sa Davao

MANILA, Philippines — Nasa mahigit P26 milyon halaga ng iba’t ibang brand ng sigarilyo na tinangkang ipuslit ang naharang ng mga tauhan ng Bureau of Customs (BOC) Port of Davao.

Ayon kay Port of Davao District Collector Erastus Sandino Austria, kuwestiyonable ang naging deklarasyon na plastic cups sa nasabing kontrabando na parating sa Davao kaya agad na inisyuhan ng alert order.

Sa isinagawang physical examination, nabuking na ang nasabing kargamento ay nag­lalaman ng 980 master cases ng mga sigarilyo na may brand na “More, Mighty, D&B and Marvel” na nagkakahalaga ng P26,081,597.87.

Aniya, naka-consign ang nasabing shipment sa Goldsmith Trading, inis­yuhan na rin ng warrant of seizure and detention (WSD) dahil sa ilang mga paglabag.