DTI nagbabala sa pekeng LPG tank

MANILA, Philippines — Mistulang binabalewala ng mga mamimili ang babala ng Department of Trade and Industry- Bureau of Philipine Standards (DTI-BPS) kaugnay sa panganib na dulot ng paggamit ng pekeng liquefied petroleum gas (LPG) na nagkalat partikular sa Laguna.

Ayon sa inilabas na anun­syo ng DTI-BPS noong nakalipas na taon na patuloy pa rin tinatangkilik ng publiko ang mga pekeng LPG tank tulad ng Bess Gaz na sinasabing nagkalat sa mga lalawigan ng CALABARZON.

Sinasabing nagbi­bingihan naman ang kinauukulang ahensya ng pamahalaan sa patuloy na operasyon ng mga manufacturer ng mga pekeng LPG tank na may nakaambang panganib sa kabuhayan ng mamimili.

Sa anunsyo ng DTI-BPS, ang mga pekeng LPG tank ay walang marka ng Philippine Standard (PS) at Import Commodity Clearance (ICC) na kasalukuyang nagkalat sa iba’t ibang bayan at lungsod sa Laguna.