150 bahay nasunog sa Las Piñas
MANILA, Philippines — Nasa 150 na kabahayan ang natupok matapos na sumiklab ang sunog sa residential area ng Barangay Zapote sa Las Piñas City kahapon.
Nagsimula diumano ang apoy dakong alas-10:20 ng umaga sa dalawang palapag na bahay ng isang Florentina Delos Santos sa Basa Dos Compound, Zapote Road, na mabilis kumalat sa mga katabing kabahayan na pawang yari sa mahinang klase ng materyales.
Dahil sa lakas ng hangin, napakalaki ng apoy at sobrang kapal ng usok kaya nahirapan ang mga bumbero na naapula ito.
Umakyat pa sa Task Force Alpha dakong alas 11:34 ng umaga ang sunog bago naideklarang fire under control alas-11:45 ng umaga at 1:45 nang ideklarang fire-out, ayon kay Las Piñas Fire Supt. Arthur Sawate.
Wala namang nasaktan o nasawi sa nasabing insidente.
- Latest