31 baragay sa Maynila ila-lockdown
MANILA, Philippines — Inilagay sa 48-oras na lockdown ni Manila City Mayor Francisco “Isko Moreno” Domagoso ang nasa 31 barangay sa lungsod para maampat ang patuloy na pagdami ng kaso ng coronavirus disease (COVID-19), Pinirmahan ni Domagoso ang Executive Order No. 31 na naglalagay sa mga barangay sa ‘enhanced community quarantine (ECQ)’ at para makapagsagawa ng ‘disease surveillance, rapid risk assessment at testing’ sa mga barangay.
Kabilang sa ilalagay sa lockdown ang mga barangay sa District 1 kasama ang barangays 1, 20, 41, 51, 56, 66, 96, 97, 101, 106, 116, 118, 120, 128, at 129 sa District 2 ang Barangays 163, 173, 180, 185, at 215; sa District 3 ang mga barangays 275, 310, 343, at 380; sa District 5 ang mga barangays 649, 724, 766, 775, 811; at sa District 6 ang mga barangays 836, 846, at 847.
Epektibo ang lockdown mula alas-12:00 ng Sabado ng madaling araw sa Hulyo 4 at magtatapos ng alas-11:59 ng Linggo ng gabi sa Hulyo 5.
Habang nasa lockdown, dapat manatili sa loob ng kani-kanilang bahay ang mga residente maliban sa mga health workers, military personnel, service workers (pharmacies, drug stores, and funeral homes), utility workers, essential workers (goods delivery, food delivery, banking at money services), barangay officials, at mga media practitioners na may akreditasyon ng Presidential Communications Operations Office at Inter-Agency Task Force.Suspendido rin ang operasyon ng mga establisimiyentong pang-komersyo at serbisyo.
- Latest