MANILA, Philippines — Walong katao na umano ay nakatanggap ng ayuda sa gobyerno ang inaresto ng pulisya nang maaktuhang nagsusugal sa isang sinasabing gambling den kahapon ng madaling araw sa Barangay Abar 2nd, San Jose City, Nueva Ecija.
Ang mga inaresto ay kinilalang sina Mark Lester Anthony Clemente, 26; Joseph Gaspar, 34; Liza Ombrobeno, 60; at Lolita Garcia, 68 na nakatanggap ng ayuda mula sa Social Amelioration Program (SAP); Edmon Biendima, 47, na miyembro ng Pantawid Pamilyang Pilipino Program (4Ps); William Lomboy, 30, binata; Jonathan Arataquio, 18; at Renalyn Pascua, 31, pawang mga residente ng nasabing barangay.
Sa ulat, ala-1:00 ng madaling araw nang makatanggap ng impormasyon ang pulisya na may nagaganap na sugalan sa nasabing lugar at nang puntahan ay naaktuhan ang mga itong abalang naglalaro ng pusoy.