MANILA, Philippines — Nasa 34,253 workers sa buong bansa ang makakakuha ng “one time” na P5,000 mula sa COVID-19 Adjustment Measures Program (CAMP).
Ito ang inihayag kahapon ni Cabinet Secretary Karlo Nograles at ang P5,000 subsidy ay ibinibigay ng Department of Labor and Employment sa mga empleyado na ang trabaho ay naapektuhan ng enhanced community quarantine.
Muling hinikayat ni Nograles ang mga employers na isumite sa DOLE ang listahan o payroll ng kanilang kompanya at kung ayaw ng employers na isumite ang payroll o listahan ay maaari itong gawin mismo ng mga empleyado.
Nauna rito, mismong si Secretary Silvestre Bello III na ipapadala sa pamamagitan mg Palawan at MLhuiller ang P5,000 pinansiyal na tulong para sa mga naapektuhang manggagawa.