2 babaeng preso ni-rape ng 2 pulis-Marikina
MANILA, Philippines — Inaresto ng mga pulis ang dalawa nilang kabaro na nakatalaga sa Marikina City matapos na ireklamo ng dalawang presong babae ng panghahalay sa loob ng police headquarters sa Marikina City, kamakailan.
Iniharap kahapon sa media ni NCRPO police chief Maj. Gen. Debold Sinas ang dalawang suspek na sina Patrolman Arnold Moscosa Geroy at Patrolman Sonny Baccay Maruzzo, na kapwa nakatalaga sa Marikina Police Station.
“Ang dalawang pulis ng Marikina were charged for rape. Ang maganda dito kapwa pulis din nang-aresto sa kanila,” sabi ni Gen. Sinas.
Batay sa ulat, dinakip ng dalawang pulis na suspek ang dalawang babae noong Linggo (Marso 29) dahil sa kasong may kinalaman sa droga at dinala sila sa Marikina Police Station at ikinulong.
Makalipas ang ilang oras ay inilipat sa custodial facility ang dalawang babae at doon umano sila ginahasa ng dalawang pulis.
Ayon pa kay Sinas, umamin na sa kanya ang dalawang pulis na totoong ginahasa nila ang dalawang babaeng preso.
- Latest