MANILA, Philippines — Isang 42-anyos na barangay kagawad ang pinasok sa loob ng kanyang bahay at pagbabarilin ng isang lalaki na naganap kamakalawa ng gabi sa Brgy. Sugod, Bacon District, Sorsogon City, Sorsogon.
Ang biktima na idineklarang dead-on-arrival sa ospital ay kinilalang si Pantaleon Dollesin Ditan, may-asawa, incumbent barangay kagawad ng naturang lugar.
Sa ulat, alas-7:30 ng gabi ay nasa loob ng kanilang bahay ang biktima nang pasukin ng hindi nakilalang lalaki at pinagbabaril sa iba’t ibang bahagi ng katawan.
Nang bumulagta, ang suspek ay mabilis na tumakas patungo sa hindi malamang direksyon.
Inaalam pa ng pulisya kung may kaugnayan sa trabaho o personal na galit ang pagpatay sa biktima.