MANILA, Philippines — Dead on the spot ang isang 42-anyos na magsasaka matapos siyang pagtatagain ng kanyang sariling pamangkin habang nakatayo sa labas ng kanilang bahay sa Purok 9, Brgy. Bato, Matalam, North Cotabato, kamakalawa ng gabi.
Ang nasawi ay kinilalang si Jerry Landaay Taligtig, alyas Beltran. Habang agad nadakip ang suspek na nakilalang si Jecker Taligtig Fuentes, alyas Bongbong, 29, kapwa residente ng nasabing lugar.
Sa imbestigasyon ng pulisya, alas-6:30 ng gabi habang nakatayo ang biktima sa labas ng kanilang bahay nang dumating ang suspek at walang kaabug-abog na pagtatagain ito ng itak hanggang sa mapatay.
Hindi na nakatakas ang suspek nang arestuhin ng mga rumespondeng mga barangay tanod. Kasong murder ang ikinaso ng pulisya sa suspek na umano ay galit sa biktima.