Girian ng US at Iran nakakaapekto sa presyo ng bilihin

MANILA, Philippines — Nakakaapekto umano sa presyo ng mga bilihin sa bansa ang nangyaya­ring girian ng US at Iran.

Ito ang inihayag ni Senator Sherwin Gat­chalian kaya pinababantayan na niya ito sa mga kinauukulang ahensiya ng gobyerno matapos gumanti na kahapon ang Iran sa Amerika matapos magpakawala ng mahigit sa isang dosenang missiles sa 2 base ng Amerika sa Iraq.

Anya, makakaapekto sa presyo ng mga produktong petrolyo ang gulo kaya pati presyo ng mga pangunahing bilihin ay apektado.

Nanawagan si Gat­chalian sa Department of Energy, Department of Trade and Industry at Department of Agriculture na magbuo ng isang task force na magbabantay sa paggalaw ng presyo ng petrolyo at mga pa­ngunahing bilihin upang matiyak na hindi sasamantalahin ang sitwasyon sa Gitnang Silangan.