PNP nakaalerto pa rin sa Mindanao
MANILA, Philippines – Matapos ideklara ni Pangulong Rodrigo Duterte na hindi na palalawigin pa ang martial law sa Mindanao na magtatapos sa Disyembre 31 ay mananatiling nakaalerto at vigilante ang mga operatiba ng Philippine National Police (PNP).
Sinabi ni PNP Spokesman Police Brig.Gen. Bernard Banac sa ilalim ng liderato ni Officer-in-Charge (OIC ) Police Lt. Gen. Archie Gamboa ay suportado ang desisyon ng Commander in Chief na huwag ng palawigin pa ang umiiral na martial law sa buong rehiyon ng Mindanao.
Ang martial law sa Mindanao Region ay idineklara ni Pangulong Rodrigo Duterte noong Mayo 23, 2017 matapos naman ang Marawi City siege sa terorismong inihasik ng Maute-Islamic State of Iraq and Syria.
Ang martial law ay orihinal na nasa 60 araw lamang pero napalawig ito ng ilang beses hanggang katapusan ng Disyembre ng taon.
Una na ring inirekomenda ng AFP at PNP kay Pangulong Duterte na huwag ng palawigin ang batas militar sa katimugang bahagi ng bansa.
- Latest