7 lugar isinailalim sa state of calamity
MANILA, Philippines — Pito pang lugar sa Bicol Region, Southern Tagalog, at Visayas Region ang isinailalim sa state of calamity bunsod ng matinding pinsalang tinamo sa pananalasa ng bagyong Tisoy.
Sa report ng Regional Office ng Office of Civil Defense (OCD) kabilang sa mga lugar na isinailalim sa state of calamity ay ang lalawigan ng Sorsogon, Camarines Sur at Naga City ng lalawigan; Oriental Mindoro, Lubang island, Occidental Mindoro at Calbayog City, Samar.
Una nang inilagay sa state of calamity ang Albay sa lalawigan ng Bicol bunga ng matinding pinsala ng bagyong Tisoy.
Nabatid na ang Camarines Sur base sa resolusyon ni Acting Provincial Board Secretary Rosario Polillo, ang lalawigan ay anim na buwang isinailalim sa state of calamity at hanggang kinakailangan.
Samantalang aabot naman sa halos 500,000 residente ang inilikas sanhi ng delubyo ng bagyo na nagdulot ng malalakas na hangin at pag-ulan.
- Latest