MANILA, Philippines — Bibigyan ng patas na desisyon bilang Presidential Electoral Tribunal (PET) ang poll protest ni dating Senador Bongbong Marcos laban kay Vice President Leni Robredo.
Ito ang tiniyak ni Supreme Court Justice Diosdado Peralta at ang lahat ng desisyon ng Korte Suprema ay ibabase nila sa mga ebidensya at sa umiiral na mga batas.
Muling idinepensa ni Peralta ang pagpayag ng Korte Suprema na ihimlay sa Libingan ng mga Bayani ang yumaong dating pangulong Ferdinand Marcos.
Ayon kay Peralta, wala namang batas na nagbabawal na mailibing si Marcos sa Libingan ng mga Bayani at nagbase lamang sila sa mga inilatag na ebidensya at mga umiiral na batas at hindi sa opinyon lamang ng publiko.