MANILA, Philippines — Apat na pulis ang kakasuhan ng administratibo na maaaring magresulta sa pagkakatanggal sa serbisyo dahil sa umano’y pagsasabwatan para magpasok ng alak at tabako sa loob ng New Bilibid Prison (NBP).
Sinabi ni National Capital Regional Police Office acting Director Police Brig. Gen. Debold Sinas na kasong “grave misconduct” ang kanilang isasampa sa apat na pulis na hindi muna pinangalanan na may ranggo ang isa na Staff Sergeant at ang tatlo ay Corporal.
Kung mapapatunayang nagkasala ang mga pulis ay ‘dismissal’ sa PNP, ang ‘medium penalty’ ay demosyon ng isang ranggo at ang ‘minimum penalty’ ay suspensyon ng dalawa hanggang anim na buwan.
Dinisarmahan na ang apat na pulis at nasa kustodiya na ng NCRPO Personnel Holding and Accounting Unit.