Retired cop itinumba ng tandem
MANILA, Philippines — Isang dating miyembro ng Philippine National Police (PNP) ang nasawi matapos na pagbabarilin ng riding- in-tandem criminals sa kanilang bahay, kamakalawa sa Molave St., Luna Extension, Digos City, Davao del Sur.
Ang nasawi ay kinilalang si dating PO3 Ronnie Iligan, nasa hustong gulang at residente ng nasabing lugar at nakatalaga dati sa Provincial Intelligence Branch sa Davao del Sur Police Provincial Office (DSPPO).
Sa ulat, dakong alas-6:00 ng gabi ay nasa labas ng bahay ang biktima at pinapakain ang alagang aso nang sumulpot ang isang motorsiklo lulan ng dalawang suspek at walang kaabog-abog na binaril.
Mabilis tumakas ang mga suspek matapos na maisakatuparan ang kanilang target.
Nagtataka ang mga dating kasama ng biktima sa serbisyo kung bakit ito pinatay gayung napakabuting tao nito at nagtitinda lamang ito ng gulay sa pamilihang bayan ng lungsod matapos magretiro.
- Latest