MANILA, Philippines — Patay ang isang 23-anyos na construction worker matapos ataduhin ng saksak sa dibdib ng kanyang katomaan makaraan umanong agawan ng mikropono sa videoke sa isang birthday celebration sa Brgy. Aurora, Quezon, Isabela kamakalawa.
Dead-on-the-spot ang biktimang si Jhun Ramirez habang ang tumakas na suspek ay si Rey Borja, 43-anyos.
Sa ulat ng pulisya, pinagsasaksak si Ramirez ni Borja habang kumakanta dakong alas-10:00 ng gabi.
Nabatid na nagngitngit si Borja nang malamang kinuha ni Ramirez ang mikropono at inawit ang kantang matagal na niyang hinihintay na tumugtog.
Tugis na ngayon ng mga otoridad ang tumakas na suspek.