MANILA, Philippines — Tatlong lalaki na hinihinalang drug suspect ang napatay nang manlaban umano ang mga ito sa magkakahiwalay na drug buy-bust operation sa lalawigan ng Nueva Ecija, kamakalawa.
Ang tatlong napatay ay kinilalang sina Dennis San Gabriel Sr., 43, ng Brgy. Talipapa, Cabanatuan City; Ernesto Estevez, ng Brgy. Mabini Extension, Cabanatuan City; at isang alyas “Buboy”, nasa hustong edad ng Quezon City.
Bandang alas-4:50 ng madaling-araw nang manlaban at mapatay si San Gabriel Sr., nang matunugan na pulis ang poseur buyer na kanyang ka-deal sa Purok 5 ng Barangay Talipapa.
Nakuha sa kanya ang 11-piraso ng plastic sachet ng umano’y shabu; 1 cal .45 pistol; at isang P500 bill buy-bust money.
Sa Brgy. Rio Chico, dakong alas-4:30 ng hapon noog Martes nang manlaban si Estevez nang aarestuhin na sa buy-bust operation at narekober sa kanya ang P1,000 bill buy-bust money, isang calibre 38 revolver, at 1 plastic sachet ng umano’y shabu.
Napatay naman bandang alas-8:50 ng gabi si alyas Buboy nang mag- sagawa ng buy-bust sa Rufina Homes 2, Zone 4, sa Barangay Malasin, habang nasugatan ang isa nitong kasama.