Lalaki inutas habang tumatagay
MANILA, Philippines — Namatay habang nilalapatan ng lunas sa ospital ang isang 53-anyos na welder nang ito ay ataduhin ng saksak ng kanyang kapitbahay habang tumatagay sa labas ng kanilang bahay sa Barangay Gulod, Novaliches, Quezon City, kamakalawa ng gabi.
Ang nasawi ay nakilalang si Gilbert Cruda, residente ng No. 23 Paquita St., Brgy. Gulod, Novaliches, Quezon City.
Sa ulat, dakong alas-11:30 ng gabi ay masayang nakikipag-inuman ang biktima sa kanyang kaibigan na nakilalang si Oroy Garcia sa harap ng kanyang bahay nang sumulpot ang suspek na si Jeric De Lima at agad na sinaksak sa dibdib at katawan ang una.
Mabilis na tumakas ang suspek habang isinugod naman si Cruda sa Novaliches District Hospital na binawian ng buhay dakong ala-1:20 ng madaling araw.
- Latest
