MANILA, Philippines — Naaresto ng mga tauhan ng National Bureau of Investigation (NBI) ang anim na miyembro ng Abu Sayyaf Group sa tatlong magkakahiwalay na operasyon sa Taguig City, Balanga City, Bataan at Zamboanga City base.
Ang anim na suspek ay kinilalang sina Azmier Maalum y Girang a.k.a. Totong Aling; Amar Assan y Sapaluddin a.k.a. Abu Sonny Abubajar; Musa Tahil y Sampang a.k.a Hadji Ramon Gonzales a.k.a Hadji Butah; Jamil Ibrahim y Aril a.k.a. Malangka Dawasa; Yong Aming y Hassim a.k.a. Jamil Taib; at Majuk Tahil y Amil a.k.a. Enjie a.k.a Ejemel.
Unang naaresto ng NBI si Maalum sa Taguig City na may standing warrant of arrest para sa 8 counts ng kasong kidnapping at serious illegal detention kaugnay ng 2001 Golden Harvest kidnapping case at Assan na may kaugnayan din sa naganap na 2001 Golden Harvest kidnapping case.
Itinuro rin ni Assan ang iba pa nitong mga kasamahan na sina Sampang na naaresto sa isang fast food sa Balanga City, Bataan.
Si Sampang, ay wanted sa kasong kidnapping sa Dr. Torres Memorial Hospital sa Lamitan, Basilan at gayundin sa serye ng pagpapasabog sa Basilan gamit ang improvised explosive device o eid.
Ang tatlo Sayyaf na sina Ibrahim, Aming at Tahil, pawang naaresto sa Zamboanga City.