MANILA, Philippines — Inihayag ni incoming Integrated Bar of the Philippines (IBP) president Atty. Domingo Egon Cayosa na ipapaubaya na nila sa Senado ang pagsasagawa ng imbestigasyon sa mga bagong alegasyon ni Peter Joemel Advincula o alyas “Bikoy”.
Magugunita na nag-iba na ng mga pahayag si Bikoy at pinasinungalingan na sangkot ang pamilya ni Pangulong Duterte sa umano’y illegal drug trade at tinukoy si Sen. Antonio Trillanes at ang Liberal Party (LP) na nasa likod umano ng kanyang mga paratang.
Idinagdag pa ni Cayosa na nakasentro ngayon ang IBP sa isinasagawang imbestigasyon sa kaugnay sa kontrobersyal na press conference ni Bikoy sa kanilang tanggapan noong May 6 at tiniyak na mananagot sa batas ang mga nasa likod ng nabanggit na press conference at ang maaaring parusa laban sa kanila.