Jeep swak sa bangin: 8 patay, 18 sugatan
MANILA, Philippines — Patay ang walong katao habang 18 ang nasugatan nang aksidenteng mahulog ang isang pampasaherong jeep sa bangin na may 159 metro ang lalim sa Sitio Hulandig, Brgy. San Jose, Libon, Albay, kahapon ng hapon.
Inaalam pa ng Albay Police, ang pagkakakilanlan ng anim na mga nasawi.
Habang nilalapatan ng lunas sa Pantao District Hospital ang mga nasugatang pasahero ng jeepney.
Sa inisyal na ulat ng pulisya, bago nangyari ang aksidente dakong alas-3:00 ng hapon ay kasalukuyang bumabagtas sa nasabing highway ang kulay dilaw na pampasaherong jeepney (EVF-366) na minamaneho ni Rolando Olade, nasa hustong gulang ng Libon, Albay nang aksidente itong mahulog sa bangin sa tabi ng highway sa lugar.
Ang jeep ay may lulang 30 katao na galing Brgy. Pantao, Libon, Albay at patungo sa Centro Poblacion at pababang bumabagtas sa pakurbadang daan ay nahulog ito nang masiraan ng preno.
- Latest
