MANILA, Philippines — Nagbigay ng paalala ang Commission on Elections (Comelec) sa mga botante na hindi basehan para iboto ang mga nangunguna sa lumalabas na iba’t ibang survey.
Sinabi ni Comelec Spokesman James Jimenez, ang pagiging No. 1 sa mga survey ay hindi sapat na basehan upang iluklok sa puwesto dahil ang surveys ay indikasyon lamang kung gaano kakilala at popular ang isang kandidato.
Hindi naman anya sinasabi sa resulta ng survey ang karakter, kuwalipikasyon at kakayahan ng isang kandidato na pinagbabasehan ng botante kung ano lang ang nakikita sa kandidato.
Paliwanag ni Jimenez, sa isinagawang survey ng Pulse Asia at Social Weather Stations, nangunguna ang mga reelectionist, dating senador at mga kaalyado ng Duterte administration na ilan dito ay aminadong hindi pa handang sumabak sa pulitika.