MANILA, Philippines — Dahil sa nalalapit na ang peak season tulad ng Semana Santa at summer vacation ay pinag-aaralan ng Department of Tourism (DoT) ang pagbabawal sa pagbisita ng mga international cruise ship sa isla ng Boracay na may lulan na mahigit 1,500 hanggang 4,500 pasahero at crew.
Sinabi ni DoT Regional Director Helen Catalbas, na ang layunin ng pagbabawal ay para matiyak na hindi malalabag ang carrying capacity na 6,405 na turista sa isla bawat araw.
Simula nang buksan ang Boracay noong Oktubre ay dalawang cruise liner pa lamang ang nakadaong sa isla na kinabibilangan ng MV Star Legend noong Pebrero 27 at Seven Seas Navigator noong Marso 4.