Rider tepok sa poste
MANILA, Philippines — Namatay habang nilalapatan ng lunas sa ospital ang isang 38-anyos na lalaki matapos na sumalpok sa poste ang minamaneho niyang motorsiklo kamakalawa ng hapon sa C-5 Extension, Pasay City.
Ang nasawi ay kinilalang si Crispin Dotimas Ramis, 38, ng No. 911 Marinduque Street, Brgy. Pitogo Guadalupe, Makati City.
Batay sa ulat, bago nangyari ang aksidente dakong ala-3:15 ng hapon ay mabilis na binabagtas ng biktima sakay ng kanyang raider type na motorsiklo ang kahabaan ng C-5 extension nang mawalan ng kontrol at diretsong sumalpok sa kongkretong poste ng Meralco sa gilid.
Ang biktima ay sinaklolohan ng mga nakakita sa pangyayari at dinala sa Parañaque Doctor’s Hospital ngunit nalagutan din ng buhay dakong alas-7:58 ng gabi dahil sa pinsala sa kanyang ulo.
- Latest
