Tinadtad ng taga, nirapido ng bala… 3 lumad kinatay sa Agusan
MANILA, Philippines — Kalunus-lunos na kamatayan ang sinapit ng tatlong katutubo na mula sa tribong Higaunon at Dagatnon nang matapos silang tadtarin ng taga ay saka pinagbabaril pa ng mga hinihinalang miyembro ng rebeldeng New People’s Army (NPA) na nag-o-operate sa area ng Buenavista, sa Agusan del Norte, nabatid kahapon.
Kaagad namang ipinag-utos ni Caraga Police Director, P/Chief Supt. Gilberto Cruz sa Buenavista Municipal Police Station ang pagsasagawa ng malalimang pagsisiyasat sa kaso ng pagpatay sa mga biktimang sina Alfredo Tomaquin Sr, 61; Paka Pinatugaw, 47; at Pina Pinatugaw, 48, pawang lalaki, mga magsasaka at residente ng Sitio Bagang, Brgy. Simbalan, Buenavista, Agusan del Norte.
Sa ulat ng pulisya, natuklasang noong Nobyembre 6, 2018 ay nagtungo ang mga biktima sa bukirin ng Koreanong si Wang Gew Ryoo, sa Sitio Labong, Brgy. Simbalan, ngunit hindi na sila nakauwi kinagabihan.
Laking paghihinagpis naman ng mga kaanak nito nang madiskubre na lamang ang kanilang mga bangkay na tadtad ng taga at mga tama ng bala ng M16 rifle kinabukasan, ng anak ni Alfredo na si Danilo Tomaquin.
Mariin namang kinukondena ng pulisya ang naganap sa mga biktima at tiniyak na gagawin nila ang lahat upang mabigyan ng katarungan ang pagkamatay ng mga ito
- Latest
