Disaster training ituturo sa mga kabataan ng Quezon City

MANILA, Philippines — Isinulong ng Sangguniang Panglungsod ng Quezon City sa pangunguna ni Vice Mayor Joy Belmonte ang komprehensibong kaalaman ukol sa disaster training sa layuning makapagligtas ng buhay sa tuwing may kalamidad.

Ayon kay Belmonte, layunin nilang sa murang edad ng mga kabataan ay may kaalaman na kung papaano magsagip ng buhay.

Aniya, kung maagang matututo ang mga kabataan sa search and rescue ay maiiwasan na magkaroon ng casualty sa Quezon City sa tuwing nagkakaroon ng hindi inaasahang calamity.

Sa ilalim ng pamumuno ng Quezon City Disaster Risk Reduction and Management Office (QCDRRMO), ang programa ay binubuo ng pagsasanay at mga workshop para sa mga kabataan katuwang ang mga paaralan, barangay, at iba pang mga youth group.