Ex-cop inutas ng tandem

MANILA, Philippines — Isang dating pulis ang pinagbabaril ng dalawang lalaki na sakay ng isang motorsiklo kahapon ng umaga sa Brgy. Malipampang, San Ildefonso, Bulacan.

Ang biktima na namatay noon din dahil sa tatlong tama ng bala sa ulo at katawan ay kinilalang si dating SPO3 Restituto Mangalindan, 66, na isang intelligence officer.

Batay sa ulat, dakong alas-8:10 ng umaga ay nakatayo sa gilid ng kalsada ang biktima nang biglang dumating ang isang motorsiklo na kinalululanan ng dalawang lalaki na nagtanong ng lugar.

Habang nag-uusap ay bumunot ng baril ang isa at agad na pinagbabaril ang biktima na agad na nasawi.