14K parak na nabakunahan ng Dengvaxia, minomonitor
MANILA, Philippines — Inatasan ni Philippine National Police (PNP) Chief P/Director General Ronald “Bato’ dela Rosa si Dr. Ted Carranza, Director ng PNP-Health Service na imonitor ang kondisyon ng 14,000 pulis sa buong bansa na nabakunahan ng kontrobersyal na Dengvaxia vaccine na gumawa ng karampatang aksyon kung nakitaan ito ng sintomas sa kinatatakutang epekto ng Dengvaxia.
Sa panig naman ni Dr. Reimound Sales, Chief ng PNP General Hospital kabilang sa 14,000 nabakunahan ng Dengvaxia ay nasa 860 dito na nakabase sa Camp Crame.
Anya, kasalukuyan ay buhay pa lahat ang mga pulis na nabakunahan nila ng Dengvaxia at wala pang nakikitang may sintomas.
Sinabi ni Sales na patuloy nilang imomonitor ang kondisyon ng mga pulis na nabakunahan ng Dengvaxia para kung sakaling may problema ay agad itong malapatan ng karampatang lunas.
Nabatid na ang nasabing mga pulis ay nabakunahan ng dengvaxia noong PNP Health Service Anniversary noong Nobyembre 21,2017 habang ang unang dosage naman sa unang batch ay naibigay noong Setyembre.
- Latest
