MANILA, Philippines - Apat kalalakihan na pinaniniwalaang biktima ng summary execution o salvage ang natagpuan sa bayan ng Silang at Imus, Cavite.
Ang dalawang biktima ay nakatali ang mga kamay at pinaikutan ng packaging tape ang mukha na natagpuan kahapon ng alas-7:00 ng umaga sa taniman ng saging sa Sitio Ibayong Ilog, Brgy. Kaong Silang, Cavite.
Isa sa biktima ay nakasuot ng asul na shirt, nakamaong nakatsinelas habang ang ikalawa ay nakapulang t-shirt, nakaitim na short pants at tsinelas.
Dakong alas-12:30 ng madaling araw naman nang matagpuan ang dalawang biktima ng salvage sa Nia Road, Brgy. Malagasang, Imus, Cavite.
Inilarawan ang dalawa na nasa pagitan ng edad na 35-40, may taas na 5’6”, nakasuot ng black t-shirt na may marking na kamay at itim na pantalon.
May tattoo ito na demon at angel sa kaliwang kamay, at 1 pang demon sa kanang kamay.