MANILA, Philippines – Nauwi sa patayan ng dalawang ama na isa ay pulis ang pag-aaway ng kanilang mga paslit na anak naganap kamakalawa ng gabi sa Brgy.Tetuan, Zamboanga City
Kapwa namatay noon din sina PO1 Abdelhan Inggilan, 47, nakatalaga sa Siasi Municipal Police Station at Haimer Alih, 35 magkapitbahay sa nasabing lugar.
Batay sa ulat, bago nangyari ang krimen sa Candido Drive ng nasabing barangay ay nagkaroon ng away ang anak na paslit nina Inggilan at Alih.
Sa halip na hindi na lang pansinin ng dalawang ama ang away ng kanilang mga anak ay silang dalawa ang nagkaroon ng komprontasyon at pagkakampihan sa kanilang mga anak.
Nauwi ito sa mainitang pagtatalo hanggang sa kapwa bumunot ng baril ang dalawang ama at kapwa duguang bumulagta at namatay noon din.- Joy Cantos