MANILA, Philippines - Nasawi ang dalawang lalaki na nag-iinuman habang isa ang nasa kritikal na kalagayan nang sila ay pagsasaksakin ng grupo ng kalalakihan na sumugod sa kanilang lugar kahapon ng madaling araw sa Malabon City.
Ang mga nasawi ay kinilalang sina Heber Florita, alyas “Totong”, 42, may-ari ng junkshop, at Jerry Abellano, 45. Habang nasa kritikal na kalagayan si Jerome Rivera, 23.
Nadakip ang mga suspek na sina Marcus Gumapas, 41; anak na si Marvin,17; Reynold Labayo, 23, at Salvador Salve, 23.
Sa ulat, nag-iinuman ang tatlong biktima sa Interior Pilapil Sanciongco St., dakong alas-12:05 ng madaling araw nang utusan ni Abellano ang anak-anakan na si Rivera na bumili ng sigarilyo at nasalubong ang apat na suspek na armado ng patalim.
Nagtatakbo si Rivera na hinabol ng mga suspek at dito na inupakan ng saksak ang mga biktima.