MANILA, Philippines - Pinagbabaril ng dalawang lalaki na sakay ng isang motorsiklo ang isang 38-anyos na lalaki habang ito ay magsasara ng kanyang tindahan kahapon ng madaling araw sa Marikina City.
Namatay noon din ang biktimang si Angelito Rayos, 38, may-asawa, ng Gumamela St., Barangay Malanday sa lungsod dahil sa dami ng tinamong tama ng bala sa iba’t ibang bahagi ng katawan.
Batay sa ulat, dakong alas-12:20 ng madaling araw ay isasara na sana ng biktima ang kanyang tindahan nang dumating ang dalawang lalaki na sakay ng isang motorsiklo na walang plaka at walang sabi-sabing pinagbabaril ang biktima at isang nadaplisan ng bala sa binti ang isang Fletiyo Tarucan. Habang tumakas ang mga suspek sa direksiyon ng Antipolo City, Rizal.
Nakarekober ang mga otoridad ng 17 basyo ng
bala ng kalibre 45 sa lugar ng insidente.