Driver dedo sa tandem
MANILA, Philippines - Dedo ang isang tricycle driver makaraang pagbabarilin ng riding-in-tandem sa Caloocan City, kamakalawa ng madaling araw.
Naisugod pa sa Tondo General Hospital ngunit nalagutan rin ng hininga ang biktimang si Romel Leonud, 39-anyos, residente ng Dagat-Dagatan Avenue sa lungsod.
Nadakip naman si Jeffrey Monreal, 39 ng Phase 2, Longos, Malabon City habang nakatakas ang hindi pa kilalang kasama.
Sa ulat, alas-5:40 ng madaling araw, nag-aabang ng pasahero ang biktima malapit sa kanilang bahay nang sumulpot ang mga suspek at walang sabi-sabing pagbabarilin at mabilis na tumakas sakay ng isang motorsiklo.
Masuwerte namang isa sa mga nakasaksi ang nakakilala sa suspek na si Monreal sanhi upang maaresto ito sa ikinasang follow-up operation ng pulisya. Patuloy namang inaalam ng mga imÂbestigador ang motibo ng naturang pamamaslang.
- Latest
