2-1 lead kinuha ng Mavs sa Thunder

DALLAS — Humakot si Luka Doncic ng 22 points at 15 rebounds pa­ra tulungan muli ang Mavericks sa 105-101 panalo sa Oklahoma City Thunder sa Game Three at kunin ang 2-1 lead sa Western Conference se­mi­finals series.

Kumamada si P.J. Wa­shington Jr. ng 27 mar­kers, habang naglista si Kyrie Irving ng 22 points para sa ikalawang sunod na ratsada ng Dallas sa se­mifinals.

Bumanat si Shai Gilgeous-Alexander ng 31 points, 10 rebounds at 4 blocks sa pagbandera sa Oklahoma City.

Ang apat na sunod na free throws ni rookie center Dereck Lively II ang nagbigay sa Mave­ricks ng 100-95 abante sa huling 3:06 minuto sa fourth period.

Isinalpak ni Irving ang isang runner na nag-iwan sa Thunder sa 104-99 sa hu­ling 39 segundo.

Sa Cleveland, bumira si Jayson Tatum ng 33 points para ihatid ang Boston Celtics sa 106-93 paggiba sa Cavaliers at agawin ang 2-1 lead sa Eastern Conference se­mifinals series.

Nagdagdag si Jaylen Brown ng 28 markers para sa pagbangon ng Boston mula sa naunang ka­biguan sa Cleveland.