MANILA, Philippines — Dumagdag si Kai Sotto sa humahabang listahan ng Filipino players sa Japan matapos pumirma sa Hiroshima Dragonflies sa B.League.
Dalawang araw lang matapos ianunsyo ang pag-alis sa National Basketball League sa Australia, nakahanap si 7-foot-3 Filipino pride Sotto ng bagong tahanan kung saan inaasahang mas magiging matayog ang kanyang lipad.
Ayon sa Dragonflies, malaking isda ang kanilang nabingwit sa katauhan ni Sotto na sakto sa kakulangan nila ng sentro na lalo pang magpapalakas sa kanilang misyong makipag-karera sa kampeonato ngayong season.
Nasa ikaapat na puwesto ang 36ers hawak ang 27-9 kartada at sa tulong ni Sotto, inaasahang lalo pa silang aangat dahil sa kalibre nito bilang isa sa pinakamagaling na Asian players kasama sina Rui Hachimura at Yuta Watanabe na nasa NBA.
Sa katunayan, ang Hiroshima ay dating team ng isa pang Pinoy stalwart na si Justine Baltazar bago siya pakawalan noong Disyembre.