Braves kampeon sa PBA 3x3 Season 2
MANILA, Philippines — Kinapitan ng Cavitex ang tikas nina Dominick Fajardo at Chester Saldua upang pagulungin ang Platinum Karaoke, 21-13 at sikwatin ang titulo sa PBA 3x3 Second Conference Season 2 kahapon sa Robinsons Place Novaliches.
Tumikada si Fajardo ng siyam na puntos habang pito ang inambag ni Saldua para sa Braves na sinungkit ang P100,000 premyo.
Bumakas din si Jorey Napoles ng limang puntos para sa Cavitex na nakauna agad ng 10-2 sa simula ng bakbakan.
Si Tzaddy Rangel ang isang miyembro ng Cavitex na ginagabayan ni coach Emman Monfort.
Nakopo ng Karaoke ang P50,000.
Nakuntento naman ang Pioneer Elastoseal sa ika-3 puwesto nang silatin ang Barangay Ginebra, 17-14 para sa P30k
- Latest