Panalo ang makulay na medyas ni Obiena
MANILA, Philippines — Hindi man siya nakakuha ng anumang medalya ay naagaw naman ni Pinoy bet Ernest John Obiena ang pansin ng mga netizens sa Tokyo Olympics men’s pole vault finals kamakalawa ng gabi.
Nagsuot ang 25-anyos na si Obiena ng magkaibang kulay na medyas.
Ayon sa 6-foot-2 pole vaulter, noong nakaraang taon pa niya sinimulan magsuot ng makukulay na med-yas sa kompetisyon.
“I always felt like I take myself a little bit too serious and then I was like, ‘This is competition. This is something that is going to feel like it’s something very serious,’” sabi n 2019- Southeast Asian Games gold medalist.
Tumapos si Obiena sa pang-11th place sa kanyang 5.70 meters jump sa men’s pole vault kung saan inangkin ni world record-holder Armand Duplantis ng Sweden ang Olympic gold sa itinalang 6.02m kasunod sina silver medalist Christopher Nilsen (5.97m) ng US at bronze medalist Thiago Braz (5.87m) ng Brazil.
“At the end of the day, it’s a sport, it’s a game that you should enjoy, you should not take it too seriously,” ani Obiena. “It’s a reminder to not think about it too much and have fun.”
- Latest
