Standhardinger babawi para sa Gins
MANILA, Philippines — Sa kanyang unang laro para sa Barangay Ginebra ay nagtala lamang si Fil-German big man Christian Standhardinger ng 8 points at 10 rebounds.
“I just had to adjust a little bit more on how we play here,” sabi ng 6-foot-8 big man na pumukol ng 3-of-8 fieldgoal shooting sa 75-94 kabiguan ng Gin Kings sa NLEX Road Warriors noong Linggo.
Tatangkain ng Ginebra na makaba-ngon sa nasabing kabiguan sa pagharap sa Blackwater ngayong alas-3 ng hapon kasunod ang bakbakan ng San Miguel at NLEX sa alas-6 ng gabi sa 2021 PBA Philippine Cup sa Ynares Sports Arena sa Pasig City.
Galing rin sa pagkatalo ang Bossing (0-2) matapos ang 62-71 pagyukod sa Rain or Shine Elasto Painters.
Hindi naman makikita si Terrence Romeo sa ilang laro ng Beermen matapos magkaroon ng hyperextended left knee sa 87-93 kabiguan sa Meralco Bolts (2-0) noong Linggo.
Bagama’t hindi na nakabalik sa third period ay nagtala pa rin si Romeo ng team-high 18 points, 3 rebounds at 2 assists.
Puntirya naman ng Road Warriors (1-1) ang kanilang ikalawang sunod na panalo matapos ang 94-75 pagbugbog sa Gin Kings.
- Latest