MANILA, Philippines — Pinagharian ng San Beda University ang taekwondo speed kicking competition junior’s division matapos sumipa ng tatlong gold medals kahapon sa NCAA Season 96.
Nanguna sa kampan-ya ng San Beda si Louell Mamaclay na nangibabaw sa light middleweight tangan ang 6.500 puntos habang pumangalawa si John Cris Samson ng Emilio Aguinaldo College (6.458) at Javier Dexter Macasaet ng College of Saint Benilde (6.383).
Naka-gold din si Phi-lip Joshua Lee sa lightweight (7.083) laban kina EAC bets Leigh Cyril Aslarona (6.108) at Aubrey Gacilos (5.942) na nagkasya sa pilak at tanso, ayon sa pagkakasunod.
Ibinigay ni Ignatius Vicente Lorenzo Pinera ang ikatlong ginto ng San Beda sa bantamweight class bunsod ng nalikom nitong 6.750 points para payukuin sina silver medalist Dirk Ranque ng Lyceum of the Philippines University (6.483) at bronze winner LeBron James Alemania ng Colegio de San Juan de Letran (6.200).
Nakapilak din para sa San Beda sina Reymundo Calamba III (flyweight) at Jian Alden Jose Arceo (heavyweight) at tanso sina welterweight Seth Nathaniel Go at featherweight Marlex Mercado.
Naka-dalawang ginto naman ang Benilde buhat kina Victor Emmanuel Rodriguez (welterweight) at Raphael Ongkiko (middleweight) at tanso galing kay light middleweight Javier Dexter Macasaet.