Cong. Mikee Romero masaya para kay Jayson Valdez
MANILA, Philippines — Isa si House Deputy Speaker Mikee Romero sa mga nagdiwang sa pagpasok ni national shooter Jayson Valdez sa 2021 Olympic Games.
“I have known him since teenage days because he was part of my youth team when I was still the president of the shooting association,” sabi ni Romero, kinatawan ng 1-Pacman sa Kongreso. “So happy Jayson finally fulfilled his dream as an athlete. I wish him and the rest of Team PH the best of luck.”
Ang 25-anyos na si Valdez ang ika-12 Pinoy qualifier sa 2021 Olympics na idaraos sa Hulyo 23 hanggang Agosto 8 sa Tokyo, Japan.
Naging bahagi si Romero ng national delegation noong 2012 London Olympics kung saan sumabak si shooter Brian Rosario sa men’s skeet.
“Since he’ll be playing for flag and country he has to give everything he’s got and should not be intimidated by his rivals,” ani Romero kay Valdez. “But I know this young man, he’s gutsy.”
“Pinoy tayo, dapat nating ipakita sa buong mundo na we have one big fighting heart.” dagdag pa ni Romero, dalawang beses naging miyembro ng national shotgun team sa World Cup bukod sa pagiging ‘godfather’ ng Philippine men’s basketball team na nagwagi ng gold medal noong 2007 SEA Games sa Thailand.
Isa sa mga tinukoy ni Romero na makakalaban ni Valdez sa men’s air rifle 10-meter event ay si three-time champion Niccolo Camprian ng Italy.
Naniniwala si Romero na ito na ang tsansa ng bansa para makamit ang inaasam na Olympic gold kaya nananawagan siya sa mga sports leaders na suportahan si Valdez para makamit ang kanyang Olympic dream.
- Latest
