LOS ANGELES — Kabiguan ang nalasap ni Le-Bron James sa kanyang pagbabalik sa line-up ng nagdedepensang LA Lakers matapos ang 20-game absence.
Diniskaril ng Sacramento Kings ang muling pag-lalaro ni James nang kunin ang 110-106 panalo sa likod ng 23 points at 10 assists ni Tyrese Haliburton.
Matapos kunin ng Sacramento ang four-point lead, 108-104 sa huling minuto ng fourth period ay idinikit naman ni James ang Lakers sa 106-108 sa natitirang 39.8 segundo.
Nabigo ang Kings (26-37) sa kanilang posesyon habang naimintis ni James ang kanyang tangkang three-pointer sa panig ng Lakers (36-27) na nagresulta sa dala-wang foul shots ni Haliburton para sa final score.
Tumapos si James na may 18 points, 8 rebounds at 7 assists sa kanyang pagbabalik-aksyon makaraang magkaroon ng high right ankle sprain.
Sa Philadelphiia, kumolekta si Dwight Howard ng team-high 19 points at 11 boards at may tig-18 markers sina Ben Simmons, Joel Embiid at Tobias Harris sa 126-104 panalo ng 76ers (42-21) sa Atlanta Hawks (34-30).
Sa Phoenix, umiskor si Devin Booker ng 31 markers at may 18 markers si Mikal Bridges sa 121-100 paggupo ng Suns (45-18) sa Utah Jazz (45-18).