Margielyn Didal halos pasok na sa Olympics
MANILA, Philippines — Kung patuloy na ikakansela ng international skateboarding at roller sports body na World Skate ang mga qualifying tournaments ay posibleng makakuha na si Pinay skater Margielyn Didal ng tiket para sa 2021 Olympic Games.
May tig-20 qualifiers ang lalaban sa mga skateboarding events na men’s park at street at women’s park at street.
Kasalukuyan namang nakaupo ang 21-anyos na si Didal, ang 2018 Asian Games gold medalist, sa No. 14 sa women’s skate street event.
“With regards to qualifying, top 20 naman iyong pasok. So like if the Olympics will start tomorrow or today Margie would be in it,” wika ni Skate Pilipinas president Carl Sambrano sa Cebuana skater.
Nauna nang kinansela ng World Skate ang dalawang qualifying tournaments para sa 2021 Olympics na gagawin sa Tokyo, Japan sa Hulyo 23 hanggang Agosto 8 dahil sa coronavirus disease (COVID-19) pandemic.
“Like other sports, they’ve cancelled one qualifier after the other,” ani Sambrano. “Currently two qualifiers have already been cancelled and we’re expecting the third one and the fourth one as well to be cancelled.”
“So there is still a world championship most probbaly being left. They (World Skate) haven’t cancelled the events. They’ve only placed suspensions on it meaning hindi muna nila dine-declare out na hindi na siya mangyayari,” dagdag nito.
Sina pole vaulter Ernest John Obiena, gymnast Carlos Edriel Yulo at boxers Eumir Felix Marcial at Irish Magno pa lamang ang mayroong Olympic ticket.
- Latest
