Lakers sa game 1
LAKE BUENA VISTA, Florida — Mabilis na ipinagpag ng Los Angeles Lakers ang kanilang ‘pangangalawang’ para angkinin ang series opener ng Western Conference finals.
Humataw si Anthony Davis ng 37 points at 10 rebounds habang kumolekta si LeBron James ng 15 points at 12 assists para akayin ang Lakers sa 126-114 paggiba sa Denver Nuggets sa Game One ng West finals series.
“It took a quarter for us to kind of figure it out,” sabi ni James. “Not saying we fully figured them out because it’s too early in the series to say that, but we started to get a better feel.”
Nagdagdag si Kenta-vious Caldwell-Pope ng 18 points at may 13 markers si center Dwight Howard para sa Lakers, nasa kanilang unang conference finals sapul nang magkampeon noong 2010.
Naisuko ng Los Angeles ang Game One laban sa Portland Trail Bla-zers at Houston Rockets sa first at second round, ayon sa pagkakasunod, bago angkinin ang sumunod na apat na laro.
Dalawang beses namang nakabangon ang Denver matapos mahulog sa 1-3 series deficits kontra sa Utah Jazz at Los Angeles Clippers.
Nakumpleto ni Alex Caruso ang isang three-point play sa pagbubukas ng second period at nag-lunsad ng 17-1 atake para ibigay sa Lakers ang 53-39 abante laban sa Nuggets.
Isang 11-2 ratsada ang ginawa ng Los Angeles sa third quarter para iwanan ang Denver sa 92-71 patungo sa kanilang panalo.
- Latest
