Howard sasama sa Lakers; Jokic naiwan ng Nuggets; Beal, Dinwiddie umatras

MANILA, Philippines — Kinumpirma ni Dwight Howard na sasama siya sa LA Lakers patungong Orlando sa kanyang ha-ngaring makatikim ng championship at dahil na rin sa contractual obligations.

“Yes, I will be joining my team in Orlando, but during that time we will be getting a lot of work done. I feel like we have a great opportunity, the Lakers do, for winning the title this year,” ani Howard sa pana-yam ni Don Lemon ng CNN. “I have an obligation. I have a contractual obligation. To my teammates, to my fans, the Lakers, the organization and everyone, but at the same time I also have an obligation to my family and my community.

Sinabi ni Howard na ido-donate niya ang kanyang kikitain sa “Breathe Again” foundation.

Hindi naman sasama ang Wizards leading scorer na si Bradley Beal at ang Nets guard na si Spencer Dinwiddie na malaking kawalan sa Eastern Conference playoff race.

Si Beal ay may right rotator cuff injury habang si Dinwiddie ay positibo pa rin sa coronavirus.

Ayon din sa sources ng ESPN, nagpositibo rin sa covid si Taurean Prince ng Brooklyn Nets at hindi na rin sasama sa Orlando.

Ang Washington na palaban sa isa sa dalawang natitirang playoff spots East tulad ng Orlando at Brooklyn, ay di rin makakaasa kina Davis Bertans dahil sa free agency at ang injured na si guard John Wall.

Samantala, nakadalawang negative test na si Nuggets center Nikola Jokic sa coronavirus sa Serbia ngunit nagkaroon ng travel issues at natagalan sa requirement na  testing kaya hindi ito nakasama sa pagbiyahe ng Denver pa-Orlando, Florida, ayon  sa source ng ESPN.

Ayon sa source, nega-tibo na sa virus si Jokic na kailangang makasunod sa requirement na dalawang beses na mag-negative sa coronavirus tests sa Serbia bago bumiyahe patungong United States. Kailangan uli niyang magnegatibo sa dalawa pang test bago lumipad patungong Orlando para makasama ang kanyang team.