Pacquiao vs Crawford seryoso na ang usapan

MANILA, Philippines — Seryoso na ang nagiging usapan para sa pagsagupa ni Filipino boxing legend Manny Pacquiao kay undefeated WBO welterweight champion Terence Crawford.

Sinabi ni Bob Arum ng Top Rank Promotions na maaaring maganap ang nasabing laban sa Bahrain.

“We hope to get (Terence) Crawford and (Manny) Pacquiao in action this year through our friends at MTK,” pahayag ni Arum.  “We’re in serious talks with Bahrain, doing major fights there.”

Kasalukuyang ta-ngan ng 41-anyos na si Pacquiao ang WBA super welterweight title matapos talunin si Keith Thurman noong Hulyo ng 2019.

Hinirang naman si Crawford bilang undisputed lightweight champion noong 2017 bago umakyat ng weight division at angkinin ang WBO welterweight belt noong 2018.

Maliban kay Pacquiao, tinatarget din ni Crawford si WBC at IBF welterweight king Errol Spence Jr.

Ngunit nanggaling si Spence sa isang car crash kung saan bumaligtad ang kanyang sinaksak-yang Ferrari kasunod ang pagpataw sa kanya ng DWI (Driving While Intoxicated).