Tanaka babandera sa FIM Asia Supercross
MANILA, Philippines — Babanderahan ni defending champion Takase Tanaka ng Japan ang mga pinakamagagaling na riders sa Asya sa paghataw ng FIM Asia Supercross Championship ngayon sa Speedworld Circuit sa SM Bicutan Open Grounds, Doña Soledad Avenue, Bicutan, Parañaque City.
Tatagal ang nasabing kompetisyon hanggang Linggo.
Ilan sa mga maghahamon kay Tanaka ay sina Guam motocross great Sean Lipanovich, Thanarat Penjan ng Thailand, mga wildcard riders mula sa Russia at ang reigning Rider of the Year ng Pilipinas na si Kenneth San Andres sa motocross spectacle na suportado ng Foilacar, Karcher, Monark Cat, Shell Advance, Shell V-Power, SM Bicutan, ICTSI, Maynilad, Asia Brewery, KYT, Alpinestar, Partas Bus, YSS, Shakey’s at 4 BROS Racing.
Ang naturang taunang motocross series ay inorganisa ng National Motorcycle Sports and Safety Association, ang tanging governing motocross body sa Pilipinas na nasa ilalim ng Philippine Olympic Committee, FIM Asia at ng Federation Internationale de Motocyclisme of Suisse.
Ito ay pinamumunuan ni Stephan Macky Carapiet, ang pangulo ng FIM Asia.
Magkakaroon din ng FIM Asia Officials License Seminar para sa mga opisyales ngayon kasabay ng FIM Asia Supercross Advance Riding Academy.
“The Supercross track in Manila is of international standards and surely, the FIM championship will be the most exciting motorsports’ event to hit Manila this year, with high thrilling jumps and aerial maneuvers from the top Asian MX riders,” sabi ni Carapiet.
Sasabak din sa Asian tournament sina Stanley Yasuhiro, Frank Rios at Raymond Obermeyer ng Guam, Yukun Wang at Ke Wang ng China, Sandeep Kondedeshmukh, Yuvrajsinh Kondedeshmukh, Rustom Patel, Shrikant Chavan, Sarthak Chavan, Sankhet Shanbag at Ikshan Shanbag ng India, Frans Tanujaya, Fernandy Maulana at Donny Siswoko ng Indonesia at iba pang matitinik na riders sa Asya.
- Latest