SEAG Squash sa Manila Polo Club
MANILA, Philippines — Hindi pa puwedeng laruan ang squash facility para sa hosting ng Pinas ng 30th Southeast Asian Games, ngunit malaki pa rin ang pasasalamat ni squash president Robert Bachmann sa Philippine Sports Commission (PSC) na nabigyan sila ng kanilang sariling tahanan.
Inamin ni Bachman na nakaapekto sa kanilang tsansang manalo ng gold ang pagka-delay ng pagtatapos ng squash facility sa loob ng Rizal Memorial Sports Complex na dahilan para tanggalin nila ang dalawang events na jumbo doubles at mixed doubles kung saan may tsansa sanang manalo.
Dahil dito, limang squash events lamang ang lalaruin sa SEA Games-- men’s singles, women’s singles, men’s team, women’s team at mixed team event.
Target na matapos ang squash facility sa March 1, kaya napuwersa ang Squash Rackets Federation of the Phi-lippines na ilipat ang squash competition ng SEA Games sa Manila Polo Club sa Makati City.
Nilinaw ng PSC na wala talaga sa planong gamitin ang itinatayong squash facility para sa SEAG ngunit ikinunsidera sakaling umabot ito.
“Yes, it is unfortunate that the faci-lity being constructed inside the Rizal Memorial will not be completed in time for the SEA Games,” sabi ni Bachmann. “But at the same time, we’re also lucky because we now have a place we can call home. We have been renting competition and training venue for the longest time and through the effort of the PSC, we were finally given a new facility that we can use in future event.”
Dahil dito, sinabi ni Bachmann na tinitingnan nila ang isa hanggang dalawang gold medals.
“We have good chances in men’s singles,” aniya. “But if Jemyca Aribado would play well, we might also clinch a gold in the women’s singles.”
Bukod kay Aribado, sasalang din sina Robert Garcia, Reymark Begornia, Alyssa Dalida, David Peliño, Christopher Buraga at Jimmie Avila.
- Latest
