Bumalikwas ang San Juan Knights mula sa kabi-guan, habang binigo ng Caloocan Supremos ang Manila Stars sa Mahar-lika Pilipinas Basketball League Lakan Season kamakalawa ng gabi sa Caloocan Sports Complex.
Nagsalpak si veteran sniper John Wilson ng game-high 20 points na kinatampukan ng apat na triples para igiya ang Knights sa 78-68 paggupo sa Valenzuela SPV Top Marketplace Classic.
Napanatili ng San Juan ang paghawak sa top spot sa North division at mabawi ang overall lead sa 31-team field bitbit ang 16-2 record.
Sinamantala naman ng Supremos ang kakulangan sa players ng Stars para kunin ang 65-72 panalo.
Ang Supremos ay umakyat sa sixth place hawak ang 11-8 baraha.
Pinatumba naman ng Parañaque Patriots ang Biñan City Laguna Heroes, 73-70 para sa kanilang 7-12 marka.